Réttarhöld í máli Ryan Giggs halda áfram. Þessi fyrrum leikmaður Manchester United er sakaður um margs konar ofbeldi gegn fyrrum kærustu sinni, Kate Greville. Ofbeldið er af andlegum og líkamlegum toga.
Í réttarsal í dag voru birt skilaboð þeirra á milli, er tengdust „grófu kynlífi“ sem þau Giggs og Greville stunduðu árið 2017. Hún var með áverka eftir það sem hún sakar Giggs um.
„Mig langar svo mikið í þig, gróft xx,“ sendi Greville á Giggs.
„Er það? Ég er hræddur um að meiða þig,“ svaraði hann þá.
„Mig langar að það verði smá vont. Ekki á furðulegan hátt samt. Mig langar bara að þú komir mér á óvart,“ skrifaði Greville þá.
Fyrir rétti í dag sagði Giggs: „Ég hafði bara áhyggjur af því að meiða hana. Við ætluðum að stunda gróft kynlíf og það er fín lína á milli þess og að meiða Kate.“
