Fikayo Tomori, varnarmaður AC Milan, er ekki á förum frá félaginu á næstunni og hefur krotað undir langtímasamning við félagið.

Þessi 24 ára gamli leikmaður kom upphaflega til Milan frá Chelsea á láni í janúar 2021 en gekk svo endanlega í raðir liðsins fyrir 26 milljónir punda.

Tomori hefur staðið sig með prýði á Ítalíu og hjálpaði liðinu að landa titlinum á síðustu leiktíð.

Tomori hefur nú skrifað undir fimm ára samning við Milan og er samningsbundinn til ársins 2027.

Hann gerir sér vonir um að vera hluti af enska landsliðinu sem spilar á HM í Katar í lok árs.