Thomas Tuchel, stjóri Chelsea, hefur staðfest það að það séu einhver vandræði í að koma bakverðinum Marcos Alonso til Barcelona.
Spænska félagið hefur tafið þessi félagaskipti en Alonso og Chelsea eru bæði búin að samþykkja skiptin.
Bakvörðurinn var ekki hluti af leikmannahópi Chelsea í fyrsta leik ensku úrvalsdeildarinnar um síðustu helgi og er á förum frá félaginu.
Tuchel segir þó að það sé eitthvað vesen á Barcelona þessa stundina enda er félagið í miklum fjárhagsvandræðum.
,,Marcos Alonso er ekki að æfa. Hann er að reyna að fá þessi kaup í gegn,“ sagði Tuchel.
,,Við náðum samkomulagi við Barcelona í fyrstu vikunni en bíðum eftir að félagið gefi grænt ljós.“
