Ralf Rangnick, fyrrum stjóri Manchester United, hefur rætt við framherjann Sasa Kalajdzic sem spilar með Stuttgart.
Frá þessu greinir Sky Sports í Þýskalandi en Kalajdzic er orðaður við Man Utd í dag en enska liðið er í leit að framherja.
Rangnick stýrði Man Utd tímabundið á síðustu leiktíð en var svo ráðinn landsliðsþjálfari Austurríkis.
Samkvæmt þýskum miðlum hefur Rangnick sagt Kalajdzic að vera áfram hjá félagi sínu Stuttgart og neita því að ganga í raðir enska liðsins.
Man Utd er ekki eina liðið á eftir þessum öfluga leikmanni en Bayern Munchen og Borussia Dortmund eru áhugasöm.
Það gekk lítið sem ekkert hjá Rangnick sem stjóri Man Utd en hann átti upphaflega að sinna starfi á bakvið tjöldin til tveggja ára.
