Það voru heldur betur óvænt úrslit á boðstólnum í Bestu deild karla í kvöld er síðari tveir leikirnir fóru fram.
Breiðablik heimsótti Stjörnuna í 16. umferð og var fyrir leikinn með 38 stig á toppnum, átta stigum á undan KA.
Blikar þurftu að sætta sig við annað tap sitt í sumar í kvöld en Stjörnumenn gerðu sér lítið fyrir og unnu 5-1 sigur.
Stjarnan leiddi 3-1 í leikhléi og bætti svo við tveimur mörkum í síðari hálfleik gegn einu frá Blikum og vann sannfærandi að lokum.
Víkingur bauð þá upp á frábæra endurkomu gegn Fram eftir að hafa lent 2-0 undir fyrir framan rúmlega þúsund áhorfendur.
Víkingar skoruðu þrjú mörk með sex mínútna millibili í seinni hálfleik og virtist lengi ætla að fá öll þrjú stigin.
Brynjar Gauti Guðjónsson jafnaði hins vegar metin fyrir Fram þegar stutt var eftir og dugði þessi endurkoma ekki til sigurs.
Stjarnan 5 – 2 Breiðablik
1-0 Eggert Aron Guðmundsson (‘4)
1-1 Kristinn Steindórsson (’31)
2-1 Emil Atlason (’37)
3-1 Eggert Aron Guðmundsson (’42)
4-1 Guðmundur Baldvin Nökkvason (’72)
5-1 Elís Rafn Björnsson (’75)
5-2 Viktor Karl Einarsson (’93)
Fram 3 – 3 Víkingur R.
1-0 Magnús Þórðarson (’11)
2-0 Albert Hafsteinsson (’55)
2-1 Davíð Örn Atlason (’57)
2-2 Helgi Guðjónsson (’62)
2-3 Erlingur Agnarsson (’63)
3-3 Brynjar Gauti Guðjónsson (’87)
