Emmanuel Eboue, fyrrum leikmaður Arsenal, er þekktur fyrir það að vera mikill grínisti og vakti oft athygli sem leikmaður.

Eboue var talinn mjög öflugur bakvörður á sínum tíma en hann lék með Arsenal í sjö ár.

Eboue og aðrir leikmenn Arsenal fengu að hitta Elísabetu Englandsdrottningu á sínum tíma og tókst Eboue að fá hana til að hlæja eftir fyrstu kynni.

Thierry Henry, þáverandi liðsfélagi Arsenal, óttaðist að Eboue yrði liðinu til skammar en annað kom á daginn.

,,Við fórum í heimsókn og Henry sagði við mig: ‘Gerðu það Emmanuel, ekki segja neitt, þetta er Buckinghamhöll, þetta er heimili drottningarinnar, ekki gera neitt,“ sagði Eboue.

,,Ég svaraði og sagði honum ekki að hafa áhyggjur. Svo kom drottningin inn og tók í hendina á öllum leikmönnunum. Eftir að hún var búinn að því tók ég eftir hundunum hennar og sagði: ‘Fröken, fröken.’

,,Hún sneri sér við og spurði hvernig ég hefði það. Ég sagðist vera í lagi en að ég hefði ekki áhuga á að vera fótboltamaður lengur. Ég vildi sjá um hundana hennar, sjá um að fara út með þá að labba, baða þá, fæða þá, ég vildi sjá um þá.“

,,Í alvöru talað þá fór drottningin að hlæja rétt eins og Prins Philip. Allt liðið fór að hlæja.“