Michael Ballack, fyrrum leikmaður Chelsea, hefur tjáð sig um framherjann Timo Werner sem leikur í dag með liðinu.

Werner hefur ekki náð að heilla mikið síðan hann kom frá RB Leipzig og hefur skorað 23 mörk í 89 leikjum fyrir enska félagið.

Ballack segir að Werner sé of ‘góður strákur’ á vellinum og heimtar meiri ákefð frá sínum manni.

,,Timo hefur verið mun betri áður en hann er í dag bæði þegar kemur að persónuleika og karakter,“ sagði Ballack.

,,Hann var hugrakkur að ganga í raðir Chelsea, vitandi hvernig félagið virkar en hann hefur ekki náð að festa sig í sessi.“

,,Það er mikilvægt fyrir hann að átyta sig á því við hverju er búist. Hann var nálægt því að verða þeirra maður númer eitt og líka með þýska landsliðinu.“

,,Það er staða sem hann hefur nú tapað. Hann þarf að byggja sjálfan sig upp á nýtt og ná fyrri styrk. Hann lítur út fyrir að vera vinalegur náungi en hann þarf að fá sjálfstraust á ný.“

,,Hann er of góður strákur á velli og það kemur niður á honum. Ef það breytist ekki þá verða tímarnir áfram erfiðir.“