Louis Saha, fyrrum leikmaður Manchester United, hefur tjáð sig um stöðu framherjans Cristiano Ronaldo sem leikur með félaginu.
Ronaldo hefur ekki tekið þátt í undirbúningstímabili Man Utd en hann vill komast burt til að spila í Meistaradeildinni næsta vetur.
Það er nýtt verkefni að hefjast á Old Trafford en Erik ten Hag tók við í sumar og er það hans verk að snúa erfiðu gengi liðsins undanfarin ár við.
Saha er hins vegar ekki alveg nógu sáttur með viðhorf Ronaldo í sumar og segir hann ekki hafa sýnt nóg til að afsaka þessa hegðun.
,,Hann hefur verið mjög skýr varðandi það að hann vill fá að fara, annars hefði sagan spilast öðruvísi,“ sagði Saha.
,,Hans einbeiting ætti að vera að hjálpa Manchester United og það virðist ekki vera staða. Hans draumur er augljóslega að spila í Meistaradeildinni og það er ekki hægt að vanvirða það.“
,,Hins vegar hefur hann ekki gert nógu mikið fyrir verkefnið í Manchester og fyrir nýja stjóra liðsins, þetta er ekki frábært.“
,,Undirbúningstímabilið er fyrir alla leikmenn, ég þekki ekki hans persónulegu vandamál en ég tel ekki að það sé viðeigandi að byrja nýtt verkefni svona með nýjum stjóra.“
,,Hann er enn toppleikmaður og getur hjálpað liðinu mikið. Þess vegna vill Man Utd halda honum en hann hefur ekki sýnt rétt viðhorf.“
