Breiðablik vann mikilvægan sigur í undankeppni Sambandsdeildarinnar í kvöld er liðið mætti Buducnost frá Svartfjallalandi. Um var að ræða fyrri leik liðanna af tveimur.
Það tók Blika 88 mínútur að komast á blað í kvöld en fyrra mark liðsins skoraði Kristinn Steindórsson undir lokin.
Á 97. mínútu skoruðu Blikar sitt annað mark er Höskuldur Gunnlaugsson kom boltanum í netið úr vítaspyrnu.
Buducnost endaði leikinn með níu menn á vellinum en tveir leikmenn fengu rautt spjald sem og þjálfari liðsins.
Andrija Raznatovic var rekinn af velli á 54. mínútu og um 15 mínútum síðar var Luka Mirkovic sendur í sturtu.
Aleksandar Nedovic fékk svo þriðja rauða spjald Buducnost í uppbótartíma en hann er þjálfari Buducnost og fékk reisupassann fyrir að strunsa inn á völl.
Allt var að verða vitlaust á Kópavogsvelli um tíma eins og má sjá hér fyrir neðan.
Þrjú rauð. Tvö mörk. Fótboltinn sigrar alltaf 💚 pic.twitter.com/av0VOcdyLu
— Not Breiðablik (@NotBreidablik) July 21, 2022
————
