Mario Balotelli, fyrrum leikmaður Manchester City og Liverpool, gæti verið að taka óvænt skref á ferlinum.

Balotelli hefur spilað í Tyrklandi undanfarin ár og leikur í dag með Adana Demirspor líkt og Birkir Bjarnason.

Eftir aðeins eitt tímabil þar er Balotelli að skoða sína möguleika og gæti verið á leið til Sviss.

Forseti Sion í Sviss hefur staðfest það að viðræður við Balotelli hafi átt sér stað og hafa gengið á í nokkrar vikur.

Balotelli skoraði 18 mörk í 31 leik fyrir Demirspor á síðustu leiktíð og var næst markahæstur í deildinni.

Samningur Balotelli gildir til ársins 2024 og myndi Sion þurfa að borga fyrir hans þjónustu.