Ofurfyrirsætan Karoline Lima eignaðist dóttur sína, Ceciliu, aðeins tveimur dögum eftir að hún hætti með knattspyrnumanninum Eder Militao.

Það kom í fréttir í síðustu viku að Lima hefði sagt Miliato upp rétt áður en dóttir þeirra ætti að koma í heiminn. Það gerði hún svo tveimur dögum síðar.

Miltao og Lima höfðu verið saman í ár.

„Eftir að hann kom heim úr ferðinni sinni reyndi ég að vinna í hlutunum. En það fór á það stig að ég sá að sambandið var ekki að fara að ganga upp,“ sagði Lima í síðustu viku.

„Ég ákvað að ljúka sambandinu og taldi það vera það besta í stöðunni. Cecilia mun alltaf tengja okkur saman og vera í forgangi í okkar lífi. Hvað sem gengur á verður samband okkar að vera gott, hennar vegna. Ég hef það fínt og mun verða betri.“

Militao leikur með Real Madrid á Spáni. Liðið varð bæði meistari í heimalandinu og vann Meistaradeild Evrópu á síðustu leiktíð eftir spennandi úrslitaleik gegn Liverpool.