Tengdadóttir fyrrum stórstjörnunnar Matt Le Tissier er að gera það gott á síðunni OnlyFans þessa dagana.

Alex Le Tissier heitir þessi kona en hún er gift Mitch Le Tissier sem er sonur Matt sem gerði garðinn frægan sem knattspyrnumaður.

Hjónin lentu í miklum fjárhagsvandræðum þegar kórónaveiran var upp á sitt versta en þau eiga fjögur börn saman.

Mitch starfar í tryggingabransanum en Alex var heima og sá um börnin fjögur.

„Þessi vefsíða hefur breytt lífi mínu, ég elska að skemmta mér hérna og kynnast ykkur. Þið getið sent mér skilaboð alla daga og allar nætur og ég svara alltaf,“ segir Alex.

Alex er með 25 þúsund fylgjendur á Instagram síðu sinni og er að græða vel á OnlyFans þar sem hún birtir mjög djarfar myndir.

Alex hefur nú greint frá því að Matt, tengdafaðir hennar, hafi alls ekki tekið vel í það þegar hún byrjaði í OnlyFans-bransanum. Hann hafi meira að segja beðið hana um að taka eftirnafn sitt af síðunni.

Þá segir Alex að Matt hafi ekki talað við hana með beinum hætti síðan hún fór að fækka fötum fyrir framan myndaélina á síðasta ári.

„Ég var vonsvikin með viðbröðgin, þau voru ekki mjög góð við mig í kringum þetta,“ segir Alex um fjölskyldu eigmanns síns.