Danny Drinkwater hefur tjáð sig um mjög erfiða tíma hjá Chelsea en hann er nú loksins farinn frá félaginu.

Drinkwater fékk í raun aldrei alvöru tækifæri hjá Chelsea og þá sérstaklega eftir komu Maurizio Sarri árið 2018.

Drinkwater var í raun neyddur til að skipta um félag eftir komu Sarri og var sagt að fara þegar aðeins klukkutími var eftir af sumarglugganum.

Það tók leikmaðurinn ekki í mál en hann sat í stúkunni næstu mánuði og samdi svo við Burnley á láni í janúar.

Drinkwater spilaði 12 leiki fyrir Chelsea í deild og var einnig lánaður til Aston Villa, Kasimpasa og Reading.

,,Síðasti klukkutími félagaskiptagluggans var hafinn og ég var dreginn inn á skrifstofu, eitthvað sem ég bjóst alls ekki við,“ sagði Drinkwater.

,,Mér var tjáð: ‘Ekki halda að þú verðir hluti af okkar plönum’. Þetta var frá Sarri og var þetta þýtt af Gianfranco Zola. Ég svaraði bara, ha?“

,,Ég spurði af hverju þeir væru að segja mér þetta núna, klukkutíma fyrir gluggalok. Ég þurfti tíma.“

,,Hann svaraði og sagði: ‘Nei, nei, við erum með félög erlendis sem þú getur skoðað.“

,,Ég brást við og nefndi að ég væri með ungan son minn, að hann væri í forgangi. Ég ákvað því að vera um kyrrt þar til í janúar.“