Það er enn líklegast að Raphinha, vængmaður Leeds, fari til Chelsea í sumar. London Evening Standard segir frá þessu.

Um daginn var það talið nánast klappað og klárt að Raphinha færi til Chelsea en svo var ekki.

Brasilíumaðurinn vill ólmur komast til Barcelona og Katalóníufélagið hefur áhuga á honum. Því miður fyrir báða aðila eru Börsungar hins vegar í fjárhagsvandræðum og geta því líklega ekki keypt leikmanninn.

Raphinha hefur einnig verið orðaður við Arsenal í sumar en hugsanleg skipti þangað virðast vera dottið af borðinu.

Því er líklegast að Raphinha endi í Chelsea. Félagið spilar í Meistaradeildinni á komandi leiktíð og á efni á leikmanninnum.

Raphina gekk í raðir Leeds frá Rennes árið 2020. Hann hefur verið hvað besti leikmaður liðsins síðan.