Bayern Munchen hefur staðfest það að Sadio Mane muni klæðast treyju númer 17 hjá félaginu eftir að hafa samið fyrr í mánuðinum.
Mane ákvað að yfirgefa lið Liverpool í júní og taka skrefið til Þýskalands en hann þekkir ágætlega til svæðisins.
Mane var áður á mála hjá RB Salzburg í Austurríki en hann fór þaðan til Southampton og síðar til Liverpool.
Síðasti leikmaður til að klæðast treyju númer 17 hjá Bayern var Michael Cuisance en hann yfirgaf félagið í janúar.
Jerome Boateng, Mark van Bommel, Christian Ziege og Thorsten Fink hafa einnig klæðst þessu númeri.
