Ef marka má hlaðvarpsþáttinn Dr. Football eru tveir synir Eiðs Smára Guðjohnsen á förum frá Real Madrid í sumar.
Daníel Tristan Guðjohnsen og Andri Lucas Guðjohnsen gengu í raðir Real Madrid árið 2018 en gætu verið á förum frá félaginu.
Andri Lucas er tvítugur og hefur verið í vara og unglingaliðum Real Madrid, hann hefur átt fast sæti í íslenska landsliðshópnum síðasta árið.
Daníel Tristan er 16 ára gamall en áður var hann í herbúðum Barcelona. „Daníel er yngstur, 16 ára gamall. Hann er að fara frá Real Madrid samkvæmt mínum heimildum. Það fylgdi ekki sögunni hvert hann fer. Hafið þið heyrt að hann sé besti Guðjohnsenin?,“ sagði Hjörvar Hafliðason stjórnandi þáttarins.
Hrafnkel Freyr tók til máls. „Ég hef heyrt það, ég hef séð hann spila einu sinni eða tvisvar í æfingaleikjum með U17,“ sagði Hrafnkell.
Andri Lucas er einnig sagður á förum frá stórveldinu og gæti farið til Norðurlandanna. „Norköpping eða Bröndby, ég hef heyrt að Norköpping sé líklegra. Það væri flott, þeirra dæmi er að selja unga leikmenn áfram,“ sagði Hrafnkell Freyr um áhugasöm lið.
