Farhad Moshiri, eigandi Everton, hefur beðið stuðningsmenn félagsins afsökunar á því sem gekk á í vetur og á tímabilinu sem var að ljúka.

Það fór allt til fjandans hjá Everton mjög snemma á leiktíðinni og var Rafael Benitez fljótt rekinn og tók Frank Lampard við.

Everton er ekki lið sem á heima í fallbaráttu en liðið var gríðarlega nálægt því að falla en hélt að lokum sæti sínu.

Moshiri er ákveðinn í að félagið muni ekki gera sömu mistök og gerð voru í fyrra og lofar stuðningsmönnum bjartari framtíð.

,,Við höfum gert mistök og fyrir þau vil ég biðja alla afsökunar. Þetta hefur ekki verið nógu gott og við þurfum að gera betur,“ sagði Moshiri.

,,Við hafið sýnt okkur ótrúlegan stuðning og hjálpuðuð okkur yfir línuna þegar við þurftum mest á því að halda. Við þurfum að verðlauna þennan stuðning.“

,,Ég er staðráðinn í að tryggja framtíð félagsins með því að gefa ykkur fullborgaðan heimavöll sem mun hjálpa félaginu að stimpla sig inn leiðandi knattspyrnuklúbb.“

,,Auðvitað er heimavöllurinn ekki það eina sem hjálpar okkur að ná okkar markmiðum og við erum staðráðin í að gera ekki sömu misök, við höfum ekki alltaf eytt peningunum rétt.“