Raunveruleikasjónvarpsstjarnan Rebecca Jane hefur opnað sig um samskipti sín við fyrrum knattspyrnustjörnina Michael Owen. Það kom fram í fréttum í fyrra að Owen hafi beðið hina 37 ára gömlu Jane um nektarmyndir. Þessi fyrrum leikmaður Liverpool, Manchester United, Newcastle og Real Madrid er giftur Louise Bonsall, æskuást sinni.
Jane segir að henni hafi liðið eins og hún ætti í samskiptum við einhleypan mann er hún ræddi við Owen. „Hann sagði mér að þau væru í raun ekki gift og að hjónabandið væri ekki eins og það liti út fyrir að vera. Hann sagði að það væri meira til að halda uppi mynd sem fólk hefði af þeim.“
„Hann sagði mér að hjónabandið væri í raun búið, þetta væri bara leikþáttur og að þau væru í raun ekki lengur gift.“
Jane hélt áfram. „Ég hefði kannski átt að kanna málið aðeins betur en ég trúði honum bara. Hann laug að mér í þær sex vikur sem ég var í samskiptum við hann.“
Jane sagðist þá einnig hafa rætt við Bonsall, eiginkonu Owen, skömmu eftir að málið komst í fréttirnar í fyrra. Segir hún hana hafa verið skilningsríka í sinn garð.
