Antonio Conte stjóri Tottenham og Fabio Paratici yfirmaður knattspyrnumála funda nú á Ítalíu til að fara yfir hvað skal gera í sumar.
Tottenham er sagt vera með 150 milljónir punda til leikmannakaupa í sumar en Conte gerir kröfu á sína yfirmenn.
Conte vill styrkja vörnina en þar eru sagðir á lista Alessandro Bastoni hjá Inter, Pau Torres hjá Villarreal og Josko Gvardiol hjá RB Leipzig.
Í bakverðina er Tottenham sagt skoða Djed Spence hjá Middlesbrough og Filip Kostic hjá Frankfurt koma til greina þar.
Ivan Perisic gæti komið frítt frá Inter og Adama Traore hjá Wolves koma til greina sem kantmenn.
Allan Saint-Maximin hjá Newcastle er einnig nefndur til sögunnar sem og Richarlison hjá Everotn.
Tottenham er til í að selja slatta og eru þeir Harry Winks, Tanguy Ndombele, Giovani Lo Celso, Steven Bergwijn, Sergio Reguilon Davinson Sanchez og Joe Rodon til sölu samkvæmt fréttum.
