Það er möguleiki á því að Chelsea verði gjaldþrota ef ekki tekst að finna félaginu nýjan eiganda hratt og örugglega. Það er hins vegar í höndum Roman Abramovich hvaða leið verður farið.

Allar eignir Roman á Englandi voru fyrstar í gær og hefur það verulegar afleiðingar fyrir Chelsea sem starfar nú undir hæl ríksins. Ástæðan eru tengsl Roman við Vladimir Putin forseta Rússlands og innrásar hans í Úkraínu.

Roman á ennþá félagið en hann má ekki selja það nema að ríkið komi að borðinu og ljóst sé að hann hagnist ekkert á sölunni. Ef Roman er ekki til í það mun Chelsea hægt og rólega fara á hausinn.

Chelsea mun tapa 100 milljónum króna á hverjum heimaleik þar sem félagið má ekki selja nýja miða, aðeins ársmiðahafar geat mætt.

Stærsti styrktaraðili félagsins, Three hefur hætt að virða sinn hluta samnings á meðan málin standa svona. Búist er við að fleiri styrktaraðilar muni gera slíkt hið saman og því minnka tekjur félagsins.

Talið er að Nike sem borgar Chelsea háar upphæðir íhugar nú að rifta samningi sínum. Talið er að Chelsea geti orðið gjaldþrota á 90 dögum ef allt fer á versta veg.

Forráðamenn Chelsea eru í viðræðum við breska ríkið til að fá auknar heimildir til þess að starfa.

Þetta má Chelsea gera:
Spila alla leiki
Borga öllu starfsfólki laun
Fá öryggisverði og gæslu, kaupa mat og drykki fyrir heimaleiki en að hámarki fyrir 500 þúsund pund.
Fá fjármuni fyrir sjónvarpssamninga og árangur en það má ekki nota þá
Má selja félagið ef Roman hagnast ekkert

Þetta má Chelsea ekki gera
Selja nýja miða
Kaupa leikmenn eða endursemja við leikmenn
Selja varning í búð sinni eða á netinu
Eyða meira en 20 þúsund pundum í ferðalög í útileiki
Halda áfram með framkvæmdir á Stamford Bridge