Andriy Yarmolenko framherji West Ham og landsliðsmaður frá Úkraínu hefur skorað á landsliðsmenn Rússlands í knattspyrnu að stíga upp og mótmæla innrás Rússlands í Úkraínu.
Yarmolenko er sár og reiður yfir þeim atburðum sem nú eiga sér stað í heimalandi hans. Hann skorar á fjölda landsliðsmanna Rússlands til að tala um málið.
Einn af þeim sem hann skorar á er Artem Dzyuba fyrirliða Rússlands en kynlífsmyndband af honum lak á netið fyrir nokkru síðan. Yarmolenko notar það í gagnrýni sinni á þögn þessara aðila.
„Ég er Yarmolenko landsliðsmaður frá Úkraínu. Ég fæddist í St Pétursborg en ólst upp í Úkraínu og er 100 prósent frá Úkraínu,“ segir Yarmolenko í færslu á Instagram.
„ÉG er með spurningu til leikmanna Rússlands. Af hverju sitjið þið hjá eins og aumingjar og segið ekkert?,“ segir Yarmolenko og merkir fjölda leikmanna frá Rússlandi í myndband sitt.
„Í mínu landi er verið að drepa fólk, drepa eiginkonur, drepa mæður og drepa börnin okkar. Þið segið ekkert. Segið mér hvað gerist ef þið standið saman og talið. Segið fólki hvað er að gerast í okkar landi.“
„Ég þekki marga ykkar, þið hafið sagt mér að þetta eigi ekki að vera svona og að forseti ykkar sé ekki að hegða sér rétt. Þið getið talað við fólkið.“
Hann fór svo í það að skjóta á Artem Dzyuba. „Ég veit að sumir ykkar viljið vera með punginn í myndavélinni en nú er komið að því að sýna punginn í hinu raunverulega lífi. Takk fyrir áhorfið. Áfram Úkraína.“
View this post on Instagram
