Saga Christian Eriksen og væntanleg endurkoma hans á fótboltavöllinn gefur Emili Pálssyni von um að hann geti snúiða aftur á völlinn.
Emil ræddi hjartastopp sitt við Fréttablaðið í dag en hann hjarta hans stöðvaðist í knattspyrnuleik undir lok síðasta árs. Eriksen lenti í því sama síðasta sumar í leik með danska landsliðinu.
Enn er verið að rannsaka hvað olli því að Emil hneig til jarðar og því óvíst hvort eða hvenær hann má æfa og spila fótbolta aftur.
,,Maður fylgist með því hvað er í gangi hjá honum en að sama skapi er hvert hjartastopp misjafnt. Það sem gerðist hjá honum er ekkert endilega það sama og gerðist hjá mér. Mitt tilfelli er enn í rannsókn, það á kannski eitthvað eftir að koma í ljós sem er ekki komið upp á yfirborðið ennþá,“ segir Emil í samtali við Fréttablaðið.
,,Svo á það eftir að koma í ljós hver ástæðan sé hjá honum fyrir því að halda áfram að spila fótbolta og hvort það sé eitthvað sem ég geti tengt við mínar aðstæður. Það gefur manni náttúrulega von um að maður gæti spilað fótbolta aftur þegar að maður fylgist með hans þróun.“
Emil er samningsbundinn Sarpsborg 08 en atvikið átti sér stað í leik með Sandefjord þar sem hann var á láni.