Breiðablik vann stórsigur í toppbáráttuslag í Pepsi Max deild karla í kvöld. Breiðablik tók á móti Víking R. á Kópavogsvellinum og Jason Daði Svanþórsson skoraði tvö mörk á fjórum mínútum og staðan orðin 2-0 fyrir Blika eftir tæpar 40 mínútur. Viktor Örn Margeirsson kom Blikum í 3-0 í upphafi seinni hálfleiks og Gísli Eyjólfsson bætti við fjórða markinu á 55. mínútu. 4-0 sigur Blika niðurstaða.
Jason Daði var í fantaformi í leiknum en kappinn átti þátt í öllum fjórum mörkum Blika.
Breiðablik er í 3. sæti deildarinnar með 26 stig eftir 14 leiki. Víkingur R. situr í 2. sæti með 29 stig eftir 15 leiki.
Lokatölur:
Breiðablik 4 – 0 Víkingur R
1-0 Jason Daði Svanþórsson (’34)
2-0 Jason Daði Svanþórsson (’38)
3-0 Viktor Örn Margeirsson (’48
4-0 Gísli Eyjólfsson (’55)
