Miðvörðurinn reynslumikli, Giorgio Chiellini, verður áfram hjá Juventus. Hann mun gera nýjan eins árs samning við félagið í næstu viku. Fabrizio Romano greinir frá þessu.
Samningur hins 36 ára gamla Chiellini við Juventus rann út fyrir stuttu. Nú er hins vegar ljóst að hann verður áfram.
Chiellini hefur verið hjá Juventus frá árinu 2005. Hann hefur til að mynda unnið ítölsku Serie A níu sinnum með félaginu.
Chiellini hefur verið mikilvægur hlekkur í ítalska landsliðinu sem er komið í úrslitaleik Evrópumótsins. Þar mætir liðið Englendingum í kvöld.
Varnarmaðurinn komst í fréttirnar á dögunum fyrir að fara ansi illa með Jordi Alba, fyrirliða Spánar, fyrir vítaspyrnukeppni liðanna í undanúrslitum EM. Þar faðmaði hann Spánverjann, sló aðeins í hann og fleira. Myndband af þessu fyndna atviki má sjá hér.
