Tveimur leikjum lauk nýlega í 4. umferð Lengjudeildar karla.
Fram heldur áfram að vinna
Fjölnir tók á móti Fram í miklu roki í Grafarvoginum. Albert Hafteinsson skoraði eina mark leiksins fyrir Fram um miðja fyrri hálfleik.
Fram er á toppi deildarinnar með fullt hús stiga eftir fjóra leiki. Fjölnir er með 9 stig. Þetta var þeirra fyrsta tap.
Nóg af mörkum fyrir sunnan
Selfoss tók á móti Gróttu. Hinn eldheiti Pétur Theódór Árnason kom gestunum yfir á 40. mínútu. Kjartan Kári Halldórsson tvöfaldaði forystu þeirra rétt fyrir lok fyrri hálfleiks. Hann skoraði svo aftur eftir klukkutíma leik. Úrslit leiksins virtust ráðin en stuttu síðar minnkaði Hrvoje Tokic muninn fyrir Selfoss. Heimamenn skoruðu svo annað mark á 71. mínútu. Þar var að verki Valdimar Jóhannsson. Tokic skoraði svo annað mark sitt örskömmu síðar. Mögnuð endurkoma Selfoss staðreynd. Lokatölur 3-3.
Selfoss er með 6 stig eftir fjóra leiki. Grótta hefur 7 stig.
