Manchester United tók á móti West Ham United í ensku úrvalsdeildinni í gær. Leikurinn endaði með 1-0 sigri Manchester United en leikið var á heimavelli liðsins, Old Trafford. Eina mark leiksins kom á 53. mínútu og það skoraði Craig Dawson, leikmaður West Ham United er hann skallaði boltann í eigið net eftir að Bruno Fernandes hafði spyrnt hornspyrnu inn á vítateig West Ham.

Það var því Manchester United sem fór af hólmi með 1-0 sigur og þrjú stig í farteskinu. Liðið endurheimti um leið 2. sæti deildarinnar Leicester City og situr þar með 57 stig.

Harry Maguire fyrirliði Manchester United var frábær í leiknum en hann las líka yfir samherjum sínum sem honum fannst ekki spila vel.

„Rífðu þig í gang, hættu að gefa helvítis boltann frá þér,“ öskraði Maguire á hægri bakvörðinn Aaron Wan-Bissaka í leiknum.

Tæpar tvær vikur eru síðan að Maguire las yfir Marcus Rashford en sá svaraði fyrir sig ólíkt bakverðinum. Hvað viltu að ég geri?,“ öskraði Rashford á Maguire sem hafði verið að lesa yfir honum fyrir að vera ekki kominn upp í línu.

Maguire var fljótur til svars. „Drullast til að koma þér úr rangstöðunni,“ sagði fyrirliðinn.

Það var þá sem að Rashford fékk nóg og sturlaðist. „Haltu kjafti, helvítis typpahaus,“ öskraði Rashford til baka á fyrirliða sinn samkvæmt Mirror.