Söngkonan geðþekka Pink ætlar sér að gera góðverk um jólin og gefa börnum sem eiga erfitt uppdráttar jólagjöfina sem þeim dreymir um.
Nokkur af þeim börnum eiga þá ósk heitasta að fá treyju frá Cristiano Ronaldo leikmanni Manchester United.
Pink ákvað að leita til Ronaldo í gegnum samfélagsmiðla og bað hann um að taka þátt í því að láta draum þessara barna að rætast.
Ronaldo var ekki lengi að svara kallinu og ætlar að senda nokkrar treyjur á Pink. Ronaldo er ein skærasta stjarnan í sögu íþrótta en hann hefur verið duglegur á ferli sínum að gera góðverk.
Ronaldo hefur hjálpað mikið af börnum sem þurfa á hjálp að halda í gegnum sinn magnaða feril.