Brynjar Níelsson fyrrum þingmaður líkir heilbrigðiskerfinu á Íslandi við enska stórliðið Manchester United, hann segir báða aðila hafa mikið fjármagn en skila litlum árangri.

Manchester United er sigursælasta félag enska fótboltans en hefur upplifað erfið ár, félagið dælir fjármunum í leikmenn en fá lítið til baka.

Íslensk aheilbrigðiskerfið hefur verið í vanda eftir að COVID-19 veiran fór af stað um heimsbyggðina, hafa Íslendingar búið við miklar takmarkanir á lífi sínu í tæpa tuttugu mánuði vegna þess.

„Íslenska heilbrigðiskerfið er farið að líkjast enska knattspyrnuliðinu Manchester United, sem er með dýrustu, bestu og launahæstu leikmennina, flesta aðdáendur, besta tekjustreymið, ríkustu styrktaraðilana. Samt tapar liðið leikjum sínum út í eitt,“ skrifar Brynjar í pistil sem birtist á Vísir.is

Brynjar telur að íslenska heilbrigðiskerfið glími við þann vanda að vera ekki með öflugasta starfsfólkið í sínum röðum og líkir því við byrjunarlið United. „Kannski er ástæðan sú að þeir spila ekki sem lið heldur 11 einstaklingar. Er íslenska heilbrigðiskerfið að glíma við sama vanda?.“