Ísak Bergmann Jóhannesson var í gær seldur frá Svíþjóð til Danmerkur, FC Kaupmannahöfn keypti þennan öfluga dreng frá IFK Gautaborg.
Ísak gekk til liðs við Norrkjöping árið 2019 þegar hann var aðeins 15 ára gamall. Ísak hefur staðið sig vel hjá félaginu og hefur verið byrjunarliðsmaður í liðinu. Hann spilaði 43 leiki fyrir félagið í sænsku deildinni, skoraði 5 mörk og gaf 12 stoðsendingar.
Ísak gekk til liðs við félagið frá ÍA en ljóst er að Skagamenn fá væna summu inn á sinn reikning á næstu dögum eftir félagaskipti Ísaks.
Samkvæmt heimildum 433.is voru Skagamenn með klásúlu sem færir félaginu stórar fjárhæðir núna. Þannig telja sænskir miðlar að FCK hafi borgað 732 milljónir íslenskra króna fyrir Ísak. Danskir miðlar telja upphæðina hins vegar vera í kringum 500 milljónir íslenskra króna.
Skagamenn munu fá í kringum 20 prósent af þeirri upphæð og því er félagið að fá að minnsta kosti 100 milljónir íslenskra króna.
Upphæðin kemur sér fyrir knattspyrnudeild ÍA sem gengið hefur í gegnum erfiðan rekstur, þá er karlalið félagsins á barmi þess að falla úr úrvalsdeildinni. Þjálfari liðsins er Jóhannes Karl Guðjónsson, faðir Ísaks.
