Pep Guardiola mun aldrei vinna Meistaradeildina aftur þar sem afrískir andar munu ekki leyfa það segir umboðsmaður Yaya Toure, Dmitri Seluk.
Manchester City tapaði 0-1 gegn Chelsea í úrslitaleik Meistaradeildar Evrópu í gærkvöldi. Þetta þýðir að það er áratugur síðan Guardiola vann stærstu verðlaunin í fótbolta með Barcelona árið 2011. Hann hefur síðan þjálfað stærsta félagið í Þýskalandi, Bayern Munchen og ríkasta klúbb Englands, Manchester City.
Dmitri Seluk er ekki á því að ástæðan fyrir þessu sé sú að Pep ofhugsi taktík sína í stóru leikjunum. Hann telur þetta vera vegna afrískrar bölvunar sem hvíli á honum.
Árið 2018 sagði Seluk að Pep hefði gert alla Afríku brjálaða með því að bekkja Yaya Toure á síðasta ári hans hjá City.
„Hann fékk alla Afríku á móti sér, margir afrískir aðdáendur hættu að styðja klúbbinn,“ sagði Seluk.
„Ég er viss um að að afrískir andar munu ekki leyfa Guardiola að vinna Meistaradeildina í framtíðinni.“
„Guardiola hefur orðið fyrir afrísku bölvuninni. Lífið mun sýna hvort ég hafi rétt fyrir mér eða ekki.“
🗣 Yaya Toure's agent, Dimitry Seluk, on Pep in 2018:
"He turned all Africa against himself. I’m sure that many African shamans in the future will not allow Guardiola to win the UCL. This will be for Guardiola an African curse. Life will show whether I am right or not.”
— Footy Accumulators (@FootyAccums) May 29, 2021
