Het Nieuwsblad í Belgíu heldur því fram að Liverpool hafi áhuga á að kaupa Youri Tielemans miðjumann Leicester í sumar.

Sagt er að Liverpool horfi til Tielemans til að fylla skarð Gini Wijnaldum sem ákvað að fara frá félaginu.

Wijnaldum sem er hollenskur miðjumaður náði ekki samkomulagi við Liverpool um kaup og kjör um að framlengja samning sinn.

Tielemans var einn besti miðjumaður enska fótboltans á liðnu tímabili og ljóst að innkoma hans gæti styrkt Liverpool mikið.

Leicester hefur reyndar lítinn áhuga á að selja hann og hefur félagið áhuga á að hækka laun hans og gera nýjan samning.