Liverpoolklúbburinn á Íslandi stendur nú fyrir uppboði á treyju sem merkt er af Xabi Alonso, fyrrum leikmanni liðsins. Uppoðið er til styrktar Ummhyggju, félags langveikra barna og rennur allur ágóði þangað.
Uppboðið á treyjunni er til minningar um Kamillu Eir Styrmisdóttur sem lést þann 6. maí síðastliðinn, rétt tæplega sex mánaða gömul. Hún barðist við hjartabilun og efnaskiptasjúkdóminn MMA.
Færsla Liverpoolklúbbsins á Íslandi
Liverpoolklúbburinn á Íslandi stendur fyrir uppboði á mögnuðum grip sem hver stuðningsmaður yrði stoltur af að eiga. Uppboðið er til styrktar Umhyggju, félags langveikra barna.
Kamilla Eir Styrmisdóttir lést 6. maí síðastliðinn, rétt tæplega sex mánaða gömul. Kamilla barðist bæði við hjartabilun og efnaskiptasjúkdóminn MMA á sinni stuttu ævi.
Fjölskylda Kamillu heitinnar er miklir stuðningsmenn Liverpool og því hefur Liverpoolklúbburinn á Íslandi ákveðið að efna til uppboðs á treyju til minningar um Kamillu. Treyjan er merkt Xabi Alonso og árituð af þessum frábæra leikmanni, sem lék með Liverpool árin 2004-2009.
Ágóðinn af uppboðinu mun renna óskiptur til Umhyggju – félags langveikra barna, sem veitti fjölskyldu Kamillu mikinn stuðning í veikindum hennar og eftir að hún lést.
Boð í gripinn er hægt að senda á netfangið hjalp@liverpool.is. Hægt er að fylgjast með hæsta boði hverju sinni á vef klúbbsins, http://www.liverpool.is/News/Item/24038/Uppbod-til-styrktar-umhyggju
Uppboðið hófst í morgun og stendur í viku.
Nánari upplýsingar veitir Hallgrímur Indriðason formaður Liverpoolklúbbsins í síma 694-3665.
