Breiðablik vann 4-0 sigur á nýliðum Keflavíkur á Kópavogsvelli í kvöld. Hér fyrir neðan má sjá einkunnir sem 433.is gefur leikmönnum eftir leik. Einkunnaskalinn er 1-10.
Thomas Mikkelsen kom Blikum yfir með marki úr vítaspyrnu í fyrri hálfleik. Hann skoraði svo annað og þriðja mark Blika í þeim seinni. Kristinn Steindórsson kórónaði svo stórsigur heimamanna.
Smelltu hér til þess að lesa umfjöllun um leikinn.
Það voru nokkrir mjög góðir hjá Blikum í kvöld. Þá sérstaklega í seinni hálfleik. Viktor Karl Einarsson var frábær, fiskaði til að mynda vítið og lagði annað mark Mikkelsen frábærlega upp. Kristinn Steindórsson var einnig mjög góður. Hann var mikið í boltanum og alltaf líklegur. Svo skoraði hann auðvitað fjórða markið. Það er þó ekki hægt annað en að veita manninum sem skoraði þrennu og lagði upp, Mikkelsen, titilinn ,,maður leiksins.“
Keflvíkingar stóðu mjög vel í Blikunum í fyrri hálfleik – og í raun allt þar til Mikkelsen skoraði annað markið. Bakvörðurinn Rúnar Þór Sigurgeirsson var sennilega manna sprækastur fram á við. Þá tók Sindri Kristinn Ólafsson nokkrar fínar vörslur í markinu. Frammistaða Joey Gibbs verður þó að teljast vonbrigði.
Breiðablik
Anton Ari Einarsson (6), Viktor Örn Margeirsson (7), Finnur Orri Margeirsson (7), Róbert Orri Þorkelsson (7), Alexander Helgi Sigurðarson (7), Viktor Karl Einarsson (8), Jason Daði Svanþórsson (6), Kristinn Steindórsson (8), Árni Vilhjálmsson (6), Höskuldur Gunnlaugsson (6), Thomas Mikkelsen (9, maður leiksins)
Varamenn: Gísli Eyjólfsson (7), Davíð Ingvarsson (6), Damir Muminovic (5), aðrir spiluðu of lítið til að fá einkunn.
Keflavík
Sindri Kristinn Ólafsson (6), Sindri Þór Guðmundsson (5), Ísak Óli Ólafsson (5), Nacho Heras (4), Rúnar Þór Sigurgeirsson (6), Davíð Snær Jóhannsson (6), Frans Elvarsson (5), Kian Williams (5), Ari Steinn Guðmundsson (5), Ástbjörn Þórðarson (5), Joey Gibbs (3)
Varamenn: Adam Árni Róbertsson (5), Ingimundur Aron Guðnason (5), aðrir spiluðu of lítið til að fá einkunn.
