Fylkir og KR gerðu 1-1 jafntefli á Wurth-vellinum í Árbæ fyrr í kvöld. Hér fyrir neðan má sjá einkunnir sem 433.is gefur leikmönnum eftir leik. Einkunnaskalinn er 1-10.
Bæði mörk leiksins komu snemma. Fylkir komst yfir á 3. mínútu þegar Arnór Sveinn Aðalsteinsson varð fyrir því óláni að skora sjálfsmark. Grétar Snær Gunnarsson jafnaði fyrir KR örfáum mínútum síðar. Arnór Borg Guðjohnsen hefði getað komið Fylki yfir í upphafi seinni hálfleiks en þá brenndi hann af víti.
Hér má nálgast nánari úttekt á leiknum.
Það vantaði oft á tíðum upp á bit sóknarlega í þessum leik og bæði lið með menn framarlega á vellinum sem spiluðu undir getu í dag. Varnirnar voru þó þéttar. Þar ber hæst að nefna Ásgeir Eyþórsson sem stangaði nánast allt frá sem inn á teig Fylkismanna kom. Hann fær nafnbótina ,,maður leiksins“ fyrir virkilega örugga frammistöðu í öftustu víglínu.
Hjá Fylki má einnig nefna Unnar Stein Ingvarsson. Hann var virkilega duglegur í sínu hlutverki á miðjunni. Einnig átti Dagur Dan Þórhallsson mjög góðan leik. Þegar Fylkir var að gera eitthvað að viti fram á við þá átti hann yfirleitt þátt í því.
Hjá KR átti Kristinn Jónsson flottan leik. Hann var eins og rennilás upp og niður vinstri vænginn, góður varnar -og sóknarlega.
Fylkir
Aron Snær Friðriksson (6), Torfi Tímoteus Gunnarsson (6), Ásgeir Eyþórsson (7, maður leiksins), Orri Sveinn Stefánsson (7), Ragnar Bragi Sveinsson (6), Arnór Gauti Jónsson (6), Unnar Steinn Ingvarsson (7), Dagur Dan Þórhallsson (7), Djair Parfitt-Williams (4), Arnór Borg Guðjohnsen (5), Jordan Brown (5)
Varamenn: Spiluðu ekki nóg til að fá einkunn.
KR
Beitir Ólafsson (7), Kristinn Jónsson (7), Grétar Snær Gunnarsson (6), Arnór Sveinn Aðalsteinsson (6), Kennie Chopart (5), Pálmi Rafn Pálmason (5), Ægir Jarl Jónasson (4), Stefán Árni Geirsson (5), Atli Sigurjónsson (5), Óskar Örn Hauksson (4), Guðjón Baldvinsson (4)
Varamenn: Aron Bjarki Jósepsson (5), Oddur Ingi Bjarnason (4), aðrir spiluðu ekki nóg til að fá einkunn.
