Stan Collymore, fyrrum atvinnumaður í knattspyrnu og nú sparkspekingur, skrifaði grein í Mirror morgun þar sem hann fjallar um úrslitaleik Meistaradeildarinnar á milli Chelsea og Manchester City. Leikurinn fer fram í lok mánaðarins. Hann skrifar meðal annars um það að ekki megi gleyma því að félögin hafi keypt sér þennan frábæra árangur.

,,Það verður að hrósa Man City og Chelsea fyrir það að hafa komist í úrslitaleik Meistaradeildarinnar,“ skrifaði Collymore í upphafi greinarinnar.

Chelsea sigraði Real Madrid í undanúrslitaleik sínum á meðan City lagði Paris Saint-Germain.

,,Ég elska enska knattspyrnu og ég myndi alltaf vilja sjá tvö ensk lið berjast um þennan titil frekar en lið frá öðrum löndum. Það skyggir hins vegar á ánægju mína hversu mikið ég hata að sjá titla vera keypta. Hvernig sem við setjum það upp þá er ekki hægt að horfa framhjá því að City og Chelsea eru í úrslitunum af því þau eiga peninga, mikið af þeim.“

Collymore skrifar einnig um það hversu frábært það var að sjá Liverpool, Nottingham Forest og Aston Villa verða Evrópumeistarar á tímanum þegar hann ólst upp. Þar hafi lið verið byggð upp á skipulagðan hátt yfir langan tíma.

,,Í dag kallast það árángur yfir nokkurra ára tímabil eyða einfaldlega milljarði punda, eins og Manchester City,“ skrifaði Collymore að lokum.