Paris Saint-Germain er að undirbúa sig undir stórleik gegn Manchester City í Meistaradeild Evrópu í kvöld. Franska liðið er upp við vegg eftir 2-1 tap á heimavelli í fyrri leiknum.

Það vakti athygli fréttamanna sem vakta The Lowry hótelið í Manchester í morgun þegar Sir Alex Ferguson gekk þar inn.

Leikmenn PSG og starfsmenn félagsins eru einu gestirnir á hótelinu og því augljóst að Ferguson átti fund með starfsmanni PSG.

Enskir miðlar telja að Ferguson hafi fundað með Mauricio Pochettino stjóra PSG en þeir hafa átt gott samband eftir að Pochettino var að þjálfa í enska boltanum.

Ferguson dvaldi í 80 mínútur á hótelinu en gekk síðan út af hótelinu með Nasser Al-Khelaifi forseta PSG, óvíst er hvaða leið þeir voru á.

Enskir miðlar velta því fyrir sér hvort Ferguson sem er einn besti stjóri knattspyrnusögunnar hafi verið að veita Pochettino ráð fyrir leik kvöldsins sem fram fer á Ethiad vellinum.

#mufc Sir Alex Ferguson leaving the Lowry hotel with PSG president Nasser Al-Khelaifi today #MUFC pic.twitter.com/A9NlBaQ5Ck

— Stuart batey 🇬🇧🏴󠁧󠁢󠁥󠁮󠁧󠁿🇬🇧 (@batey_stuart) May 4, 2021