Bayern Munchen mun spila á móti þýska landsliðinu seinna á árinu og mun allur ágóðinn renna til Bayern til að borga fyrir Hansi Flick sem talið er að taki við þýska landsliðinu eftir EM.

Fyrir 11 dögum tilkynnti Hansi Flick að hann ætlaði sér að yfirgefa félagið eftir þetta tímabil. Í gær tilkynnti Bayern að Flick myndi láta af störfum og að Julian Nagelsmann, þjálfari RB Leipzig, tæki við. Þá er búist við því að Flick taki við þýska landsliðinu.

Bayern þurfti að borga 20 milljónir punda til að fá Nagelsmann sem var samningsbundinn RB Leipzig en ekkert hefur komið fram hvað þýska sambandið þurfi að borga Bayern fyrir Flick. Nú eru orðrómar um það að þýska landsliðið mæti Bayern Munchen í æfingaleik seinna á árinu og allur ágóðinn renni til Bayern til að borga fyrir Flick.

Ef þetta verður að veruleika þurfa nokkrir leikmenn að velja fyrir hvort liðið þeir ætla að spila, eða gætu jafnvel spilað hálfleik fyrir hvort liðið.

Ekki er enn komin dagsetning á leikinn en búist er við því að hann verði seinna á árinu, vonandi þegar hægt verður að taka á móti áhorfendum aftur.