Andy Robertson viðurkenndi í viðtali eftir síðasta leik Liverpool að öll lið ættu séns gegn liðinu og var pirraður á því að Englandsmeistararnir halda áfram að gera sömu mistökin leik eftir leik.

Liverpool gerði 1-1 jafntefli gegn Newcastle í síðasta leik á Anfield og var það Joe Willock sem jafnaði fyrir gestina í uppbótartíma. Liverpool fékk nóg af færum til að klára leikinn en gerðu það ekki og því fór sem fór.

„Þetta sýnir hvernig tímabilið okkar hefur verið. Við lærum ekki af mistökunum, við höldum áfram að gera það sama og lærum ekki af þessu, sagði Robertson eftir leik.

„Newcastle átti skilið þetta mark, bæði mörkin reyndar, þessi regla er fáránleg.

„Við gætum hafa tapað þessum leik sem er algjörlega glórulaust miðað við tækifærin sem við fengum og stjórnina sem við höfðum á leiknum. Áður vorum við þekktir fyrir það að halda út alla leiki en við getum það bara ekki núna. Það er svo einfalt.“

„Öll lið eiga möguleika gegn okkur núna, þeir verða sjálfstraustir síðustu 10 og trúa að þeir geti gert eitthvað. Þetta er ekki líkt okkur.“