Hjörvar Hafliðason stjórnandi Dr. Football segir frá því á Twitter síðu hlaðvarpsins að Ágúst Eðvald Hlynsson sé á leið til FH á láni frá Horsens í Danmörku.

Uppfært
Horsens hefur nú staðfest að Ágúst hafi verið lánaður til FH.

Ágúst var keyptur til Horsens síðasta haust eftir fína frammistöðu með Víkingi í efstu deild hér á landi í tæp tvö ár.

Dvöl hans í efstu deild í Danmörku hefur hins vegar verið nokkuð misheppnuð, Ágúst hefur fá tækifæri fengið og er að snúa aftur heim.

Ágúst er 21 árs gamall miðjumaður en hann er í annað sinn að snúa heim til Íslands úr atvinnumennsku, hann fór ungur að árum til Norwich og síðan til Bröndby. Hann gekk svo í raðir Víkings árið 2019.

Ágúst er leikinn miðjumaður sem ætti að styrkja lið FH sem mun í sumar spila undir stjórn Loga Ólafssonar.

Ágúst Hlynsson leikmaður AC Horsens er á leiðinni á láni til FH-inga. pic.twitter.com/M9z3X8SC0O

— Dr. Football Podcast (@drfootballpod) April 19, 2021