Talið er að Harry Kane muni yfirgefa Tottenham í sumar ef félagið nái ekki að tryggja sér Meistaradeildarsæti. Hann er sagður vera pirraður yfir því að komast aldrei í snertingu við málm.

Dimitar Berbatov segist skilja stöðuna sem Harry Kane er í en Berbatov yfirgaf Tottenham á sínum tíma og fór til Manchester United.

„Það væri sorglegt þegar hann lítur til baka að hafa ekki orðið Englandsmeistari á einhverjum tímapunkti þar sem hann er einn besti framherji í heimi,“ sagði Berbatov við Betfair.

„Þetta er erfið ákvörðun og hann er í frábæru umhverfi, með flottum velli og æfingasvæði.“

„Það eina sem vantar eru titlar.“

„Ég var einu sinni í sömu stöðu. Ef hann fer þá verða stuðningsmenn Tottenham fyrir miklum vonbrigðum og sumir munu snúast gegn honum. Þeim mun líða eins og hann hafi svikið klúbbinn.“

„Ég vildi fara til stærsta klúbbsins og vinna titla og það var Manchester United.“