Koeman sem tók við stjórn Barcelona síðasta sumar hefur átt misgóðu gengi að fagna í vetur. Barcelona spila í úrslitaleik spænska konungsbikarsins í kvöld ásamt því að eiga ennþá möguleika á spánarmeistaratitlinum, en vonbrigðin hafa þó verið ansi mörg.

Fjölmiðlar á Spáni halda því fram að Koeman verði rekinn ef hann vinni ekki málm á árinu.

„Það er mjög skrítið að ég þurfi að svara þessu þar sem við erum nýbúnir að taka tímabil þar sem við töpuðum ekki 19 leikjum í röð,“ sagði Koeman á blaðamannafundi fyrir úrslitaleikinn í konungsbikarnum.

„Svo töpum við einum leik og þá þarf strax að tala um framtíð mína?

„Ég þarf kannski bara að venjast þessu. Ég á ár eftir af samningi mínum. Ég veit að pressan er mikil og ég höndla það en mér finnst þetta skrítið.“

„Ég hef talað við forsetann og hann hefur trú á mér. Ótrúlegt að alltaf þegar eitthvað er skrifað um stjóra þá þurfi forsetinn að segja manni að hann hafi enn trú.“

Barcelona mætir Athletic í kvöld í úrslitaleik spænska konungsbikarsins. Athletic eiga í hættu á að tapa öðrum bikarúrslitaleiknum í röð á aðeins tveimur vikum þar sem úrslitaleiknum frá 2020 var seinkað til 3. apríl 2020.