Paul Pogba hefur hrósað liðsfélaga sínum, Bruno Fernandes, fyrir að geta nánast gert allt inni á vellinum nema varist.
„Bruno skilur leikinn, hreyfingar inni á velinum og gefur góðar sendingar. Þá getur hann skorað mörk líka! Hann er úti um allt og getur gert allt – nema að verjast,“ sagði Pogba við MUTV eftir leik gegn Granada í vikunni.
„Það er alltaf gaman að spila með honum, ég tengi vel við hann. Hann tengir líka við mig og getum við auðveldlega skipt um stöður. Hann hentar liðinu vel og er mjög góður í hóp.“
Pogba hefur skorað tvisvar og gefið þrjár stoðsendingar síðan hann sneri aftur eftir meiðsli aftan í læri um miðjan mars. Þeir félagar hafa myndað ansi sterkt sóknarpar.
Næsti leikur Manchester United er gegn Burnley á morgun klukkan 15:00
