Ensk götublöð halda því fram að Manchester United sé búið að funda með Mino Raiola er varðar Erling Haaland framherja Borussia Dortmund.
Raiola hefur oftar en ekki verið óvinsæll á meðal stuðningsmanna United þegar hann tjáir sig um málefni Paul Pogba.
Raiola ræðir við félög sem hafa áhuga á að kaupa Haaland sem slegið hefur í gegn hjá Dortmund á rúmu ári.
Launakröfur framherjans eru hins vegar svakalegar og vill hann verða einn launahæsti knattspyrnumaður í heimi, tvítugi framherjinn lætur Raiola um það að tryggja sér góðan launatékka.
Nú segja erlendir miðlar að Haaland krefjist þess að fá 570 þúsund pund á viku eða 100 milljónir íslenskra króna. Um er að ræða 5,2 milljarða í árslaun.
Sagt er að Real Madrid og Barcelona muni ekki fara í slíkan pakka en þá eru eftir ensk félög, Juventus og PSG sem gætu reitt fram þessi laun fyrir Haaland.
