Leikur Manchester United og Tottenham í ensku úrvalsdeildinni um síðustu helgi, var ritskoðaður í yfir eitthundrað skipti í Íran. Ástæðan fyrir ritskoðuninni er sú að kvenkyns aðstoðardómarinn Sian Massey-Ellis sást í stuttbuxum á meðan að leiknum stóð.

Í hvert skipti sem að Massey-Ellis var í nærmynd í sjónvarpsútsendingunni, var skipt yfir í yfirlitsmynd af knattspyrnuvelli. Þetta er það sem sjónvarpsáhorfendur í Englandi sáu:

En þetta er það sem sjónvarpsáhorfendur í Íran sáu:

Slíkar aðgerðir á vegum stjórnvalda í Íran eru ekki fátíðar og íranskur aðgerðahópur sem talar gegn aðgerðum stjórnvalda Íran hvað ritskoðun varðar biður fólk um að yfirfæra þetta ekki á alla írönsku þjóðina.

„Ritskoðun er í DNA íranskra stjórnvalda. Þetta ætti ekki að normalísera. Þetta er ekki okkar menning. Þetta er hugmyndafræði kúgandi stjórnar,“ stóð meðal annars í yfirlýsingu frá aðgerðahópnum.