Lið Rionegro Aguilas, í efstu deild Kólumbíu, neyddist til að spila leik sinn í gær með aðeins sjö leikmenn inni á vellinum. Ástæðan fyrir þessu var fjöldi kórónuveirusmita ásamt meiðslum í leikmannahópnum.
Aguilas reyndi að fá leiknum frestað en alls voru 22 leikmenn félagsins fjarverandi. Þeir sem stjórna deildinni þar ytra voru þó ekki á þeim buxunum sýna liðinu skilning og fór leikurinn því fram.
Aguilas gerði það besta úr stöðunni og tefldi fram í 3-2-1 leikkerfi. Þá þurftu þeir að tefla varamarkverði sínum fram í vörninni.
Þrátt fyrir að vera fjórum mönnum færri tókst liðinu að halda andstæðingum sínum í skefjum í tæpa klukkustund áður en þeir fengu á sig mark. Í kjölfarið komu tvö mörk í viðbót áður en leiknum lauk.
Liðin fengu þó ekki að klára leikinn þar sem einn leikmaður Aguilas meiddist þegar um 10 mínútur voru eftir. Það þarf lágmark sjö til að mega spila og því þurfti að flauta leikinn af.
Þegar félagið tilkynnti byrjunarliðið á Twitter fyrir leik fylgdi textinn ,,Þeir átján…. fyrirgefið sjö sem valdir voru í ósanngjarnasta leik sögunnar.“
Hér fyrir neðan má sjá byrjunarlið Aguilas í leiknum.
🙄 NO ES UN ERROR DE LA APP:
🇨🇴 Águilas Doradas se presentará solo con 7 jugadores, para enfrentar a Boyacá Chico en la fecha 17 del Torneo BetPlay.
👉🏼¿La razón?
📌 7 jugadores lesionados
📌16 jugadores con COVID
📌Los Sub-20 están sin ritmo de juegoPese a todo, ¡SE JUEGA! pic.twitter.com/wXys8GRMXA
— 365Scores (desde 🏠) (@365ScoresApp) April 11, 2021
