Margar aulalegar ástæður fyrir brottvísun leikmanna í knattspyrnuleik hafa litið dagsins ljós í gegnum árin og Stefan Payne, skipar sér góðan sess á þeim lista eftir athæfi sitt í gær. Payne, er leikmaður enska liðsins Grimsby sem leikur í ensku D-deildinni. Liðið átti leik gegn Bradford City og lenti undir í leiknum á 42. mínútu.
Fljótlega eftir að hafa lent undir sló í brýnu milli Payne og Filipe Morais, liðsfélaga hans hjá Grimsby.
Rifrildið endaði með því að Payne skallaði Morais og hlaut í kjölfarið rauða spjaldið frá dómara leiksins.
Samkvæmt heimildarmönnum á staðnum yfirgafe Payne völlinn með tárin í augunum eftir að hafa áttað sig á því hversu heimskulegt þetta athæfi var.
Stuðningsmenn Grimsby létu í ljós reiði sína á samfélagsmiðlum eftir að Payne hafði verið rekinn af velli.
„Hann getur labbað heim og aldrei spilað aftur fyrir Grimsby, algjörlega ófyrirgefanlegt,“ skrifaði reiður stuðningsmaður Grimsby á Twitter.
Grimsby’s Stefan Payne sent off for this with teammate Filipe Morais pic.twitter.com/BPf2Stv8Mi
— James Dart (@James_Dart) April 10, 2021
