Dean Henderson er búinn að taka stöðuna af David De Gea sem fyrsti kostur í markið hjá Manchester United, þessu heldur Paul Scholes fyrrum markvörður Manchester United fram.

Henderson fékk stöðuna þegar De Gea hélt til Spánar til að vera viðstaddur fæðingu hjá sínu fyrsta barni. Eftir að hann kom til baka hefur Henderson haldið stöðunni.

De Gea fékk tækifæri gegn Granada í gær í Evrópudeildinni og hélt hreinu. „Það er alltaf furðulegt þegar þú ert að reyna að halda tveimur markvörðum góðum,“ sagði Scholes.

„Hver er númer eitt? Ole segir að það séu báðir en það er ekki rétt. Fríið sem De Gea fékk gaf Ole tækifæri til að gera Henderson að markverði númer eitt.“

„Sá sem spilar í ensku úrvalsdeildinin er númer eitt, en hefur Henderson sannfært Ole? Hann er með stórt tækifæri í höndunum. De Gea gerði frábæra hluti í fimm ár, United hefði verið í miðjumoði án hans. Ég afskrifa ekki De Gea.“