Leicester City tók á móti Manchester City á King Power vellinum í ensku úrvalsdeildinni í dag. Leikurinn endaði með 0-1 sigri Manchester City og styrktu þeir því stöðu sína á toppnum.
Manchester City stjórnuðu leiknum í fyrri hálfleik en vantaði að ógna meira að marki Leicester. Bæði lið skoruðu mörk sem voru dæmd af í fyrri hálfleik og því var markalaust í hálfleik.
Benjamin Mendy braut ísinn fyrir Manchester City eftir um klukkutíma leik. Það var svo Gabriel Jesus sem tvöfaldaði forystu gestanna á 74. mínútu eftir frábært spil og þar við sat. Öruggur sigur Manchester City staðreynd.
