Jurgen Klopp viðurkennir að Liverpool megi ekki tapa fleiri stigum ef félagið ætlar að ná Evrópusæti. Þá kallar hann eftir því að leikmenn kreisti eitthvað út úr þessari leiktíð.

„Við erum ekki í bestu stöðunni til að berjast um Meistaradeildarsæti en það er ljóst að við munum berjast og ef það næst ekki setjum við stefnuna á Evrópudeildarsæti,“ sagði Klopp við Sky Sports.

„Í upphafi leiktíðar höfðum við önnur markmið sem er eðlilegt en nú er þetta raunveruleiki okkar og staðan er ekki eins slæm og hún gæti verið. Við ætlum því að reyna að allt sem við getum.“

„Við ætlum aftur að verða liðið sem enginn vill spila við.“

Eftir 29 leiki er Liverpool í 7. sæti með 46 stig en á síðustu leiktíð var félagið með 82 stig eftir jafn marga leiki. Munurinn er því 36 stig á milli leiktíða sem er ansi hátt fall.

Síðasti leikur Liverpool í deildinni var gegn Wolves og var það aðeins fjórði sigur félagsins eftir jól. Liverpool fer á Emirates leikvanginn í kvöld og spilar við Arsenal í ansi mikilvægum leik í Evrópubaráttunni.