Jesse Lingard, hefur gengið í gegnum endurnýjun lífdaga hjá West Ham en hann gekk til liðs við félagið á láni frá Manchester United í janúar.
Lingard hefur skorað fimm mörk og gefið tvær stoðsendingar í 7 leikjum með West Ham í ensku úrvalsdeildinni og vann sér um leið sæti í enska landsliðinu.
Lingard var ekki í náðinni hjá Ole Gunnar Solskjær, knattspyrnustjóra Manchester United og því var talið best að hann færi á láni frá félaginu.
Undanfarnar frammistöður Lingard með West Ham hafa opnað á þá spurningu hvort hann eigi sér framtíð hjá Manchester United eftir allt saman.
Samkvæmt ESPN, setur Lingard tvö skilyrði fyrir því að hann snúi aftur til Manchester United og haldi áfram að vera leikmaður félagsins.
Í fyrsta lagi vill hann spila reglulega. Það hlutverk hefur hann fengið hjá West Ham og vill ekki snúa aftur í sama gamla farið hjá Manchester United.
Í öðru lagi vill hann fá nýjan samning hjá Manchester United ef hann á að vera þar áfram. Aðeins rúmt eitt ár er eftir af núverandi samning Lingard við Manchester United.
Boltinn liggur hjá forráðamönnum Manchester United. Munu finna pláss fyrir Lingard í leikmannahóp liðsins sem hentar hans þörfum eða láta þeir hann fara?
